Phemey Pon : 創新應用的方法

作者:潘啟才(Phemey),測量師出身,試過輕輕鬆鬆年薪過百萬,亦試過胼手胝足地創業。後來發覺幫人做成生意最過癮,成功拉攏買賣雙方便穩袋幾百萬,至此「通天經紀」之名便不脛而走。眼光準、膽量大兼且身體力行,搞炒股投資班大賺一筆之餘,亦計劃大搞創業班,矢言教授云云打工仔、待業青年、大學生無本生利,財來八方的本事。

創新應用的方法

做生意搞創新,唔使吓吓都咁高科技,因為對於我呢類老鬼,識鬼搞高科技咩,但其實創新呢咪嘢,可以包括把唔同的舊概念,重新組合,咪已經系創新囉,而且重簡單到唔簡單,就算好似我咁蠢都可以用這簡單方法去搞創新。

以通天經紀這個定位為例,如果唔加通天這個概念上去,單做經紀這個定位有鬼吸引力咩,全香港做經紀的人數肯定數以十萬計,其競爭之大可想而知,但經紀再加通天這個概念上去,就真系唔同講法啦,因為真系唔系咁多人咁夠姜叫自己做通天經紀,Ok,當你真系咁夠姜又叫自己做通天經紀,咁你先要番屋企,然後關好門再問吓自己,你受唔受得起呢過稱號先?你要問吓自己做過幾多單物業買賣?有冇賣過地盆?有冇賣過整幢商業物業?有冇賣過海外物業?有冇幫上市公司發過十六億元可換股債券?有冇賣過在重慶近十億元土地?有冇賣過十幾個香港咁大嘅森林?有冇持續幫過上市公司在河南省搞咗成二十億的土地買賣?如果無,咁你就要收皮啦,但系對於我來講,上面所述的交易,全部都由我親自經手,亦因此,我食得住這個具創意及創新的定位。

同理,這個創新方法亦可應用在我正在搞的股票培訓事業上,在過去兩年,我成功地開拓了股票培訓生意,亦成功地令一些本來藉藉無名的小朋友成為股票名師,但這也同時引來很多競爭者,但當然,我從沒有把他們放在眼內,這不是因為我勁,而系我只會用我的創新方法去經營我這個生意,而我的方法非常非常…..簡單,就是在舊方法上加上新概念,而傳統搞股票課程的方法,基本上都是低成本,求求其其式經營,完全唔嚴謹,唔正規,如果我自己唔走前啲,唔用重新組合方法去搞創新,你唔話我cheap,我部都會覺得自己好cheap,此之所以,持續創新,持續把舊概念重新組合,是我作為這盆生意的經營者所必須每天思考的問題。

同時,當我應用這種創新方法,運用在我這盆生意上,我已可預見其無限可能性,而由我去操作這個創新,其成功機會當然極大,因為我由零變出來的可能性已是有目共睹,而在這基礎上再把它變大,當然是極具可能性。

留言
分享