Phemey Pon : 我的一個小小創意

分享

作者:潘啟才(Phemey),測量師出身,試過輕輕鬆鬆年薪過百萬,亦試過胼手胝足地創業。後來發覺幫人做成生意最過癮,成功拉攏買賣雙方便穩袋幾百萬,至此「通天經紀」之名便不脛而走。眼光準、膽量大兼且身體力行,搞炒股投資班大賺一筆之餘,亦計劃大搞創業班,矢言教授云云打工仔、待業青年、大學生無本生利,財來八方的本事。

我的一個小小創意

創意這個名詞,我認為可應用在不同領域,要搞高科技生意,當然極度需要有創意,就算搞一檔one man band 生意,只要稍為用一下創意,亦有可能搵到一片天地。我認為我一開始定位自己為通天經紀亦可算是一種創意,當然如要打分,可能系唔合格的創意,但無論如何,一種生存概率咁低的生意都有膽做,加埋同情分應該勉強可合格。

自己在2005年初第二次重新再創業,當時我剛離開戴德梁行不久,在離開之前的六年時間內,基本上我是長駐北京及廣州的分公司,除了過時過節及短暫公幹外,我不會回港,所以我與香港的聯繫變得非常生疏,而為了家庭原因,我想選擇創業基地在香港,這問題就變得很大,六年的管理工作,做實事的能力變得很低,再之前的經驗是地産代理,但我離開香港這麼久,無盤無客,而我亦不想再幫別人打工,那我如何是好呢?同時我亦一分錢都唔想出而再創業,要解決這難題,我最終還是選擇了再重操故業,就是再當經紀人,但不是地產經紀,而是乜都做的通天經紀,這其實唔系啲乜巴閉嘢,但我總算搵到條無本創業出路。

其實從傅統做生意角度,我們應該要好focus,唔好講搞間一人公司,就算是一百幾十人公司,都應該好focus做好一種產品或服務,才會有競爭力,但當時我的想法是,我真係無乜專業技能,亦無好的人際網絡,更一毫字都唔想出去做生意,包裝成低創意的通天經紀可能是一個出路,因為這個包裝容許我亂咁撞亂咁碰,可以上午賣完地,中午去賣上市公司殻,晚上去教書,因為既然唔知做乜會賺到錢,與其坐著等運到,我選擇亂咁去碰仍未出現的機會。

可能我真系幾好彩,接近中六合彩的機會都比我碰到,其實我識鬼美林證券的高層鬼佬咩,但卻比我通過十年都唔見一次,只見過數面的Gordon Poon,令我認識了美林證券的高層鬼佬,亦比我搶先一步,截了大型物業代理,第一太平戴維斯的糊,撮合了美林證券與上市公司天譽置業(0059)的二億美元可換股債券的交易。

分享