張家豪 : 眼看手勿動

分享

作者: 張家豪,特許技術分析師(CMT),中順證券投資經理。熱愛羽毛球。Facebook:CheungKaHoInvesting

眼看手勿動

最近幾星期主要都是和大家討論或分享比較宏觀的因素,如中美形勢的最新變化,中國一些政策的影響等等。對於市況,或個別股票、板塊都沒有太多的分析和討論。主要原因,是因為真的沒甚麼好講。大市處於半死不活的狀態,近三個月來都是上上落落,一級級向下。負面因素愈來愈多,愈來愈明顯,但股價又跌得不夠多,估值半天吊,沒有到達吸引的水平。價值投資不會買,趨勢投資更不會買。

有讀者說,不用講是否熊市見底這麼遠,短線10月危多定機多?

如果查看歷史數據,港股10月上升的機會是75%,是12個月中最高。然而,過去7個熊市中,有3次都在10月急跌,分別是1987年、1997年和2008年,跌幅分別是43.2%、29.4%、22.5%。可以說,平均十年就有一劑大大獲。

以10月第一個星期恆指跌了1200點的表現來講,睇怕今年10月都係凶多吉少。然而大家亦唔好忘記,剛剛8月9月都係先跌後升,埋單計數無乜輸蝕。所以你問我,而家呢一刻買上定買落,你喜歡啦,反正兩邊都各有理據支持。

至於我自己,由於膽小同唔鍾意賭,基本上呢個10月我就是眼看手勿動,休養生息,做做功課,到機會來臨時便可毫不猶豫地捉住。

過去一星期發生最重要的事,莫過於美國副總統針對中國的講話,唔知係咩的朋友最好上網搵搵,事關這段講話可能標誌著一個新時期的開始。

分享