朱公子:「棋哥燒鵝」在銅鑼灣「嚟豎旗」

「棋哥燒鵝」開張,老闆黎樹棋(右三)招呼一眾好友,「四哥」石國強(左四)和(左二)手持《炒股幫》宣傳,右起本刊副總編輯朱開通、陳文強;左起:黎浩霆、惠澤儲蓄互助社李堃揚和同時被稱「四哥」的合夥人。
分享

作者:朱公子

「棋哥燒鵝」在銅鑼灣「嚟豎旗」

唔知大家仲記唔記得,《炒股幫》慶祝第100期嗰陣時,有好幾間食肆提供優惠券俾讀者,其中有一間係坐落天后電器道的「棋哥燒鵝」,老闆黎樹棋早前已同朱公子講話會大展拳腳,廣開分店。

話音未落,坐落銅鑼灣鵝頸橋下的「棋哥燒鵝」分店,經過有一個月的試業後,於上周三(1月17日)正式舉行醒獅開張儀式,朱公子與一眾久未相逢的朋友:「四哥」石國強、地產巨子陳文強等,聯袂出席捧場,參加2018年第一間食肆開張,希望黎老闆旗開得勝!駿業宏開!好比黎老闆時不時會自嘲自己的花名咁,話生成辛苦命,要周圍「嚟豎旗」,開完一間又一間,哈哈!又幾有意思啊!希望好快喺18區,區區都有間「棋哥燒鵝」的旗幟啦!

分享