作者: 陳奕倫
拆解大局, 期市部署
下星期焦點於21號美國聯儲局議息日, 相信加息機會已高唱入雲, 不過重點系美聯儲會後聲明, 會發放什麼訊號, 明年會否加快或減慢加息步伐. 而近期美元指數節節領先, 在星期五收市收97.4, 維持強勢格局. 但有機會下星期美聯儲在會後聲明稱加息步伐會因世界經濟下行為藉口而減慢, 從而短暫壓低美元指數, 而美方根本唔想美金行得太急, 影響美國本土出口競爭力. 在美聯儲局議息日之前, 應該先平美元指數好倉, 而近期美元指數好倉沒平倉合約數已達到相當高水平近三個月之內, 通常這情況出現, 都會有意想不到結果發生或者短暫美元指數會有巨大獲利盤湧現. 不過我認為大方向美元指數會行大牛市, 可以趁議息後揾機會重開美元指數好倉. 歐元區於星期四正式退出QE計劃, 同時宣佈維持利率不變, 德拉吉會後亦表示近期數據較預期差, 及個別國家有下行風險, 暗示恢復加息時間表搖搖無期, 再加上英國脫歐協議延到明年三月,只係想用時間換取空間, 將問題押後而已. 短期歐元根本不具備加息條件, 因而擴闊歐美息差, 有利美金將來一支獨秀發展.
指數方面, 道指近期走勢出現三次針頂於26268, 26088水平, 最近一次於24844, 每次出現針頂, 指數無獨有偶都會起碼插一千點左右, 加上近期每次反彈都一浪跌於一浪, 技術上走勢非常惡劣, 基本上每次如出現反彈500到800點, 都系開淡機會. 香港近期成交非常淡靜五六百億, 不值多講. 剛公佈中國零售數據差過預期, 短期人仔極難睇好, 拖累埋AUD, NZD 貨幣下跌, 始終中國經濟跟澳紐GDP息息相關, 人仔走勢足以影響商品貨幣走勢. 見議下星期等聯儲局議息和中央工作經濟會議後, 睇定再部署. 大方向都系睇好美金, 及恒生指數26000以上都是維持開淡倉部署.
