陳奕倫 : 大市拆局, 期債分析

分享

作者: 陳奕倫

大市拆局, 期債分析

上星期港股非常淡靜, 成交五六百億, 而且幾個交易日都系開高走低, MARK低結算. 加上新股整個十二月氣氛表現麻麻, 有幾隻新股出現認購不足, 首日表現大部份都險守招股價, 個市完全冇哂動力, 北水流入港股歷來最低, 民企債間中傳出到期違約消息, 尤其是民企債市有爆煲跡象, 近幾個月民企越發越高息成為趨勢, 大部份已經去到十幾厘連恒大發債都要十三厘, 有中資大型銀行都要發債四百億維持流動性, 預期其他銀行都會爭相發債CAP水, 明年首季水緊情況更嚴重. 港期方面十二月份結算收25500水平, 國指期貨收10059, 一月沒平倉合約已經達到21萬幾, 大戶有部份期指倉位已經轉移到一月份,  繼續觀察下星期沒平倉合約變化, 指數波幅走勢, 才作部署. 通常月底月頭第一星期都沒睇到當月期貨合約真正方向走出來.

債市方面, 十年期美債主力期貨由11月初118慢慢上升到121.7 (星期五收市價), 上升只系百分之三, 用左差唔多兩個月時間, 筆者仍然睇好有上升空間. 相對其他避險工具黃金主力期貨由1200美金升到1283.4 (星期五收市價) , 升了百分之6,  而VIX主力期貨由12月份19升到去25.31(星期五收市價), 升了足足百分之三十. 三種避險工具之中十年美債期貨升幅較為少, 值得買入. 加上明年加息步伐有機會減慢, 因油價由七十幾蚊跌到45低殘水平, CPI肯定唔會升超過美聯儲通脹目標2%水平. 絶對有藉口減慢加息步代, 對債價有一定支持. 另外明年首季有幾件大事件仍沒明朗, 中美貿易戰, 民企債務危機, 英國同歐盟脫歐協議等等, 足以令到投資者將長線資金泊到落美債. 估計明年有些長線基金會重組投資組合減持股票成份加入適量美債, 平衡資產風險.

 

分享