戴聖慈 : 第23站:「VEGA VEGA 我行我素」時尚素食

《戴出好滋味》飯局主持戴聖慈Sandy(中)及一眾食友大讚「VEGA VEGA 我行我素」食得滋味, 「VEGA VEGA 我行我素」創辦人施星瑋及大廚廖啓評在旁熱情招待,嘉賓們很享受這個歡樂飯局。

作者 : 戴聖慈(Sandy) 是工商管理傑出成就畢業生,也是國際認可的財富管理師及理財策劃司師,二十多年來帶領其團隊為高端客戶、企業客戶提供卓越的投資理財、風險管理、財富管理、遺產傳承方案等,現為面包台節目主持人。奉行享受人生主義的她,希望透過「戴出好滋味」飯局與一眾對食物品質有要求、有執着的老饕,分享世界各地地道美食,及高性價比的準米芝蓮推介和星級食肆。

第23站:「VEGA VEGA 我行我素」時尚素食

「戴出好滋味」飯局之澳門篇,瓹窿瓹罅搵好嘢食,嚟到澳門第四個飯局,終於可以帶大家去食番一餐素菜,仲要係時尚素食,菜式比較新穎,不再局限於傳統的素食,皆因創辦人施星瑋,都是90後,年輕有為,也不忘公益事業。大家去澳門唔想大魚大肉,想要清淡、健康一點,真的要試吓位於澳門十月初五街的「VEGA VEGA 我行我素」,要撐吓充滿正能量的年輕新一代。

《戴出好滋味》飯局澳門篇

「VEGA VEGA 我行我素 」試食嘉賓食客名單:

(一)澳門桑耶佛學會劉曉燕 Amanda

(二)澳門怡富酒店董事長陳麗輝 Janice

(三)澳門盈利地產董事總經理江秀花 Jenny

(四)香港海豪地產公司董事總經理陳雅輝 Annie

(五)香港芙蓉粧美容中心創辦人兼營養師黃潔蓮 Amy

(六)天然染髮產品OPPO富保國際貿易創辦人柴東保 Richard

《戴出好滋味》飯局主持戴聖慈Sandy(中)及一眾食友大讚「VEGA VEGA 我行我素」食得滋味, 「VEGA VEGA 我行我素」創辦人施星瑋及大廚廖啓評在旁熱情招待,嘉賓們很享受這個歡樂飯局。

餐前飲品

「VEGA VEGA 我行我素」創辦人施星瑋,首先為嘉賓食客準備了兩款餐前飲品,分別是即場新鮮手造牛油果香蕉冰沙及石榴蘆薈果醋梳打;不單止好飲又健康,而且絕不遜於潮流飲品茶飲。

牛油果香蕉冰沙

戴出好滋味筆者Sandy就選擇了這個牛油果香蕉冰沙。首先我飲到有牛油果和香蕉味,同好香的豆奶味,雖然佢個名叫做冰沙,個口感就唔似我地平時飲開的冰沙,飲落嗰質感就好似香港的Smoothies。

香港芙蓉粧美容中心創辦人兼營養師黃潔蓮Amy,以營養師嗰角度來評這個飲品營養價值很高。因為牛油果含有好豐富的不飽和脂肪,而這種脂肪對我們個心臟很有益處。除此之外,牛油果其實其鉀嘅成份比香蕉還要高,所以加埋香蕉一齊,對身體心臟健康來說是很有幫助的。星瑋選擇了好好的有機豆奶,這些有機豆奶對骨骼很好,因為有好高的鈣質。香港人好怕飲有基因改造的豆奶,但這個是用有機的產品去做,就更加放心,同時飲起來糖份不高,所以想減肥的人士也不用擔心整杯飲下。

石榴蘆薈果醋梳打曉燕Amanda,覺得飲了這杯蘆薈果醋梳打,個口味感覺怎樣?是否適合自己呀?

Amanda話講真飲果醋就飲得多,剛才第一啖試時,感覺酸酸地有青檸味,但飲飲下啜到原來有蘆薈喺度,好清新,好啱飲。

南瓜芥末籽油醋沙律

星瑋老闆介紹這個前菜,說是將杏鮑菇做成網狀再放入焗爐去焗,而用嘅南瓜是厚身啲,怪不得大家食起來這個杏鮑菇會比較脆,而南瓜比起大家食開嘅滑身啲。

羅勒炸杏鮑菇

大家覺得這個羅勒炸杏鮑菇,食落會感覺食緊鹽酥雞似的,星瑋老闆說「VEGA VEGA 我行我素」大廚,廖啓評是台灣人,所以「我行我素」這素食店,就可以做一些新式的素食之餘又fusion少少的,皆因也有將台灣菜式Style帶入嚟。這個好像鹽酥雞,帶少少羅勒的香味,就是用了類似台灣街頭小食的元素。廖啟評大廚話,食炸東西食得多會感覺有點膩,所以點這個酸酸甜甜的醬食起來就舒服些。

澳門盈利地產董事總經理江秀花Jenny和天然染髮產品OPPO富保國際貿易創辦人柴東保Richard,覺得那個紅色杏鮑菇,做到真的好像雞肉那樣,食落亦都有少少似麥樂雞的味道,杏鮑菇個皮好脆,裡面嗰菇都好甜,好Juicy。

黑松露雜菌薄餅

澳門怡富酒店董事長陳麗輝Janice非常之鍾意食這個薄餅,因為覺得香口得嚟嗰味道又不錯。而Amanda初初以為這個薄餅是好膩,但食落原來唔肥膩,而且個黑松露非常之足料。香港海豪地產公司董事總經理陳雅輝Annie,也大讚這個Pizza非常之好食,黑松露味好濃,而個餅底好脆,亦問道嗰味道咁好,是否加了亞麻籽呀?

星瑋老闆回答其實嗰餅皮特別之處,是加了亞麻籽和藜麥,去增加嗰營養成份。因為大眾對Pizza嘅印象,大都認為是垃圾或者唔健康嘅食物,希望透過素食Pizza去做出一些有營養又健康些嘅食物,好讓大眾對其改觀。再加上亞麻籽和藜麥含有豐富嘅Omega 369,維他命D和人類需要的微量元素都係好啱素食者食用。而這款黑松露雜菌薄餅在本店保持每日銷售冠軍,因為嗰皮是用人手搓,而且餅皮發酵都要三天,所以每天出產數量有限,是「VEGA VEGA 我行我素」招牌菜之一。

紅絲絨燉飯

這道菜式一上枱,筆者Sandy同食客Annie都一致覺得顏色好靚喎,係咪係甜品嚟㗎?星瑋介紹這個是新菜式,顧名思義有少少似紅絲絨蛋糕,實際上是紅菜頭燉飯。除了用了紅菜頭汁煮這個飯之外,裡面還用了紅菜頭肉,上面再加上有機豆奶打的奶泡來增加視覺效果。

Amy提醒身旁的Richard,這個紅絲絨燉飯要食多啲,因為這個紅菜頭其實係Super Food其中一種,好處是可以令你身體更加健康,因為紅菜頭有好重的維他命C和抗氧化,對增強運動能量更加好。Richard話這個紅絲絨燉飯幾好食喎,真係帶出好滋味,紅菜頭個味都唔錯仲爽爽地。

素XO醬意大利麵

筆者Sandy覺得比起黑松露Pizza,這個意大利麵味道就會淡了點,但是個素XO醬就好好味,不禁問星瑋有無諗住入樽做外賣素XO醬呀?星瑋話素 XO醬係用風乾了嘅菇類,然後撕開變成一絲絲嚟煮的,而樽裝素XO醬都已經計劃緊了,稍後將會推出。

焗釀大蘑菇

這個蘑菇是法國品種,所以比較大,上面是放了自家製的汁和芝士,而碟面的醬是用了新鮮的蔬菜和蕃茄做出來。Richard食咗這個大蘑菇,就發覺外面好乾身,上面就放咗芝士來焗,食起來好juicy。而Amanda也有這感覺,睇落好似好乾,但原來食落口感豐富,非常好味。

燕麥豆奶白汁意大利麵

筆者Sandy在香港其實就唔鍾意食白汁意粉,因為嫌佢太過膩。但這個白汁意大利麵可能用豆奶做,無咗牛油和牛奶,再加埋個燕麥就有比較清新嘅感覺,就容易啲入口和食落唔覺得呢個菜好膩。鍾意啲唔係咁重口味又清淡嘅意大利麵,這個是不錯的選擇。

意式香料炒白蘑菇

星瑋話這個菜用了自己的配方,意大利香料和意式的炒法。其實這道菜好食得嚟都有營養價值,因為白蘑菇跟我們平常食的蘑菇有少少分別,白蘑菇算是營養價值比較高的品種,含有很高的蛋白質和人體的氨基酸。營養師Amy再補充說,這道菜裡面的白蘑菇,事實上有好高的微量元素,剛才星瑋講得啱,因蘑菇都有好高的纖維加埋有蕃茄,這個炒法會帶出蕃茄的茄紅素的功效,因茄紅素係有好高抗氧化嘅食物,對於抗癌,尤其是對男性是非常之好的。

筆者Sandy也不禁問道Amy,這道菜營養價值高,味道又如何呢?Amy覺得素食好難得咁有鑊氣,再加上他們用了橄欖油,食起來有鮮味,好健康。

馬鈴薯蓉香料薄餅

Amanda話講真一句,她都有食過純係薯蓉嘅Pizza,但係出面食嘅Pizza啲薯蓉是一PatPat的,好多但好軟嘅。而「我行我素」這個薯蓉Pizza嗰底比較硬身,就有脆皮的感覺,所以我就覺得幾好食,而且味道又清。至於黑松露Pizza味道較濃啲,但如果食葷嘅人嚟到這裡就會比較喜歡。

又到這一站「戴出好滋味」澳門篇第四個飯局尾聲,不知六位嘉賓食客,大部分是素食者,對這餐十道菜時尚素食,整體評價如何,是不是十全十美?

筆者Sandy:我都不多食素,但原來食素都可以做得咁有火侯,咁有鑊氣。於是我就向廖啓評大廚偷少少師,原來秘密是他們用了好難掌握的高溫。高溫的難度就是要掌握到個時間,否則就好容易炒燶,亦會將白蘑菇的營養價值破壞了。筆者自己就比較鍾意冶味、濃味,終於找到都可以做到重口味的素食,這個時尚素菜店,自然是筆者在澳門素食首選喇。

Richard:這個飯局食了好多道菜,我最鍾意嘅就係羅勒杏鮑菇,真的很好吃,外面好鬆脆,裡面好軟熟,有少少麥樂雞的味道,而這個是齋,但菇都能做出這個味道真的不錯。

Amy:我起初以為食素菜最主要都係宗教嘅原因,但現今都很多人為了健康理由都開始食素菜。其實我發現好多地方食素菜都唔係咁健康,因為用了很多添加劑,甚至用不健康的顏料去做食物,雖然都是食用色素,但對健康質素一點也不高。其實我今次都抱著戰戰兢兢的心情來試食,幸好這次在「VEGA VEGA 我行我素 」飲局,我可以帶個好廠訊息返香港,因為我發現原來素菜可以咁老少咸宜嘅,同埋咁健康,又有咁豐富嘅營養。

Annie:我對這裡感覺非常之好,因我好貪靚,食嘢嘅時候我首先就會睇下個環境,再加埋當時嘅餸菜的色香味,配合起來感覺好有taste。這裡的格局裝修是我最鍾意嘅,有一種工業革命嘅風格,地下嘅磚和所有嘅設計都好有工業風格,個人坐喺度食素時整個環境係好寧靜好舒服。

Jenny:這個《戴出好滋味》飯局,安排每一道的素菜,每一樣都做得好好。

Amanda:我其實是食了八年素菜嘅人,我對素菜的要求都很高。但今次飯局,在這裡的環境和素菜的質料都非常好,如果要我畀分嘅話,我會畀 99分。另外,好特別的是這裏的飲筒是用鋼做,仲有「VEGA VEGA」Logo,不知我可否拿走一支鋼飲筒呢?

星瑋老闆話,因為現今的人都好注重環保,素食都同環保這個主題息息相關,所以「VEGA VEGA 我行我素」決定支持現在好潮的話題就是走塑,因此全店是用鋼飲管而不會用膠飲管。最後,星瑋老闆還送贈這個精美包裝,環保飲管套裝給每一位《戴出好滋味》飯局嘉賓食客及工作人員,實行一於帶住「VEGA VEGA」鋼飲管返香港支持環保!

留言
分享