陳奕倫 : 拆解大局, 候位開沽

分享

作者: 陳奕倫

拆解大局, 候位開沽

上星期公佈美聯署議息會議記錄, 暗示三月加息機會不大, 鴿派味十足. 並且鮑威爾跟去年底發表鷹派講話有一百八十度有極大轉變, 顯然極受老特較早前暗示要炒鮑威爾講話影響, 而作出讓歩放出鴿派訊. 加上又藉外圍金融動盪影響, 從而壓低美金, 近期美元指數由高位97.3插到落95.24水平, 藉此夾高環球指數, 帶起埋商品價格原油,鈀金, 白銀破哂近期高位. 今次商品貨幣AUD, NZD CAD都有受惠, 由低位反彈百幾二百點, 所以繼續留意美元會唔會止跌會升, 如果美元真系轉勢, 近期指數反彈有機會去到尾聲.

指數方面, DOW指數仲系徘徊起23800-23900附近, 如果幾次都衝唔穿24000, 有機會掉頭回落去到23500或以下水平, 而恒生期貨仍然係26500-26800水平上落, 要再有利好消息, 先有條件再上, 國指期貨期貨於10500極大阻大, 由低位9800升到10400, 大約6%, 但沒倉合約仍然維持22萬幾左右, 淡倉仍沒大幅度徹退. 值得一提, DOW 由低位21700升到去23900, 但美國十年債券期貨價格仍然硬淨, 只系由高位123.25回落到121.6, 只系1.3%, 近幾日已經回穩, 有力重新再上.

總結今星期繼續留意商品價格, 非美貨幣有冇轉勢跡象, 同埋脫歐方面有冇好消息, 都系會左右指數大局, 見議等埋15號公佈脫歐消息才作佈署, 但現水平買貨或追渣風險大.

分享