棉少爺宿主Zoe:森美博表現被可樂收購?

分享

作者:棉少爺宿主Zoe,乃典型中環白領女,為了可周遊列國同拯救各地貓貓,一於拚盡股海淘金。

森美博表現被可樂收購?

最近氣溫急降,據悉香港經歷了28年來最凍的立春,身邊朋友都問如此時候有甚麼股好炒,本小姐就直言大盤炒得過火喇,是時候轉炒一些細價股。所以今次唔講虛擬貨幣住,插隊講一講森美控股(00756)呢隻股仔先。

心水清的朋友都可能有印象喇,本欄已寫過天溢森美兩三次,為何會對佢情有獨鍾?首先貓係天生唔飲果汁,但我隻「棉少爺」就出奇地鍾意飲森美橙汁。事緣都係撒卡衰 ! 有一次佢攞兩枝森美橙汁畀我,回家我倒了些橙汁,之後行去廚房放好,準備慢慢嘆住飲,點知俾隻衰貓偷飲了幾啖,結果仲上埋癮㖭。於是乎本小姐就下定決心研究森美呢間上市公司,終於發現了此股有許多被市場忽略因素。

首先,森美的橙汁真係好得,身邊無一個朋友飲過唔讚;第二就是市場銷售策略創新貼地,在大陸鋪天蓋地用自動販賣機做銷售;第三是森美同可口可樂公司有合作關係,不難估計森美早晚會被可口可樂高價收購。

森美從2017年6月開始,已在醫院與公共交通場所等地點設置智能販賣機,如讀者想購買嘆飲可到惠康、波仔、7仔!去年設置的智能販賣機超過2,000台。上周曾以一支大陽燭抽升突破10天、20天及50天線,走勢已肯定全面好轉過來。

分享