作者 : 沈寧（Eric），飲食狂人，食盡天下奇珍異饈。
九五茶座–懷舊冰室
今日去左間位於九龍灣megabox既九五茶座食lunch,之前都聽過好多朋友介紹佢地招牌小食~生炸雞脾，今日終於可以試到啦，餐廳原來有得食仲有好多懷舊精品同遊戲，最特別既係有個蒙面超人卷裝廁紙同眼罩，真係好正。另外仲有好多部夾公仔機，彩虹池，藍球機 ，如果有小朋友，實開心死佢地，假期帶佢地黎放下電就最啱，而且佢地有個$200全日任玩卡，可以不停咁夾公仔，爽！講番野食先，我一行4人，叫左個生炸雞脾，芝士西多士，小食摩天輪，當然最正就係佢地生炸雞脾，即叫即炸夠晒惹味，聽餐廳負責人講，原來雞脾會早1日用秘製配方醃好，當有客人order時候就會即炸，所以食落好多JUICY，而且無冰鮮味，只有早期茶餐廳先會咁做。另一推介就係佢地邪惡西多士，邪惡既芝士夾係多士中間，放落口度，芝士味係口中溶化，口感豐富。至於餐廳皇牌咖哩同焗飯，沿用6,70年代冰室做法，咖哩用多種唔同濕料整成咖哩膽，所以好有東南亞風味。整體黎講，餐廳以早期港式冰室烹調為賣點，食落又真係好有個種味道。值得LIKE!
