作者:Sammy畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的障眼法。
康利國際正式開車
同大家跟進下康利國際控股（06890），呢隻股票筆者有推介開，由1元推介後股價踢高至1.24元再回落打穿1元後，筆者再發文叫大家未上車的可以上車，結果今日算係開車了，執筆之前一度踢上至1.38元收市，不過筆者相信呢個只係前菜，有好友留意到佢踢上之前，CCASS持倉第一間券商廣發證券在上年11月底公司上市後密密收貨，大家要留意一點，聯席帳簿管理人及聯席牽頭經辦人都係廣發證券，而同時獨家保薦人都係廣發融資。現在單是廣發證券已持22.03%，實物股票有67.84%，單是實物加第一間券商持貨已高達89.87%，是股權高度集中、非常乾身的。
圖表技術分析角度去睇，阻力位大概在1.22元至1.26元，今日已升穿最近的阻力位，加上成交配合，版面上「齊牌」，理應開車。重新看招股書，發現公司在上年4月底的資產淨值有4.34億元人民幣，折合約5億港紙左右，加上3億半殼價，現階段處於合理水平，相信幕後老闆有心收夠貨兼再有資金到位，個廚房要做起嘢上來應該要大炒至2元都唔係難事。
堅散貨同打真軍嘅分別
好多時大家睇呢一類專欄都係諗住參考下，睇下有咩心水可以跟買，睇得耐大家就會發現總有啲「專家」真係好準，佢一寫完隻股票就升，心諗有無咁堅呀？正如好多男人睇日本「愛情動作片」都會有一個問號，就係點解個男主角求其掂下個女優都會叫得好淒厲一樣，其實兩者背後都係為咗個效果啫，越係將啲唔合理嘅嘢梗硬去合理化佢，班觀眾先至睇得越係過癮嘛！都係離不開兩個字：幻想。啲宅男會一路睇片一路戥個女優唔抵，如果我係男主角佢一定叫得再勁啲之類。睇專欄嘅受眾點都會有少少同樣心態，就係幻想自己會不勞而獲，如果我跟中佢一隻十倍股就乜乜乜喇。老老實實，邊有咁多十倍股啊，好多寫完即升嘅背後都係有老闆，點解要專登踢高佢畀佢威？釣魚都要落餌啦，如果唔係啲貨點散出街呢！至於筆者呢啲，大家發現真係好久唔久先會出現「快過打針」嘅情況，通常都係出完文後都仲有時間畀大家衝入去買，而且買到個價仲會有好大機會低啲，快則都要隔返一頭半個月先開車。點解？因為我哋呢啲背後無老闆，咪要打真軍囉。
【權益披露：本人沒持有上述股份】
Facebook 專頁：財技戲法
