Sammy:《我們‧異》值得推薦

浩德控股(08149)
分享

作者:Sammy畢業於英國赫德斯菲爾德大學工商管理學系。曾為職業魔術師及婚禮司儀,現以財技角度切入分析股票,破解莊家的障眼法。

《我們‧異》值得推薦

其實筆者都幾鍾意睇電影,尤其是嚇到幾乎瀨屎嘅恐怖片。最近上映的《我們‧異》係上一部贏咗奧斯卡最佳原創劇本作品《訪‧嚇》(大陸好似叫逃出絕命鎮)嘅黑鬼導演Jordan Peele最新力作,兩套都係成本僅約450萬及2,000萬美元,屬於超低成本電影,不是玩CG、卡士,而係真材實料賣橋。編劇編得好係非常之重要,等如有啲恐佈片去到某啲情節嘅時侯,你係一定估到佢係會點樣嚇你,就算出來個效果係點已經無意思,睇電影係希望有驚喜,而《我們‧異》係絕對有驚喜的;正如啲上市公司都唔會間間用同一套財技搬字過紙咁做一樣。筆者喜歡呢套戲嘅重點唔係佢拍得有幾恐怖,論恐怖佢又唔算好高分,筆者喜歡嘅係佢嘅完美鋪排,加上配樂上花咗唔少工夫。由起初恐怖氣氛到女主角老公係威係勢到自己驚到走返入屋,之後劇情全場大部分人都覺得離晒大譜,以為變咗爛Cult片,點知結局係意想不到解釋返將所有野串連到合理化,尤其主角最後一個微微嘴角向上鏡頭留返畀觀眾慢慢思考,成功例子有之前大受好評嘅《潛行空間》。講開又講,大陸改電影名真係幾十年都無進步過,香港呢套戲叫《我們‧異》,明顯係有睇過套戲先加個異字上去,但大陸就直接翻譯叫《我們》,淨係睇個名就絕對唔會有咩意思。最經典係《007 Die Another Day》,我哋香港叫《不日殺機》咪幾型,大陸叫《擇日而亡》,仲有套《Hellboy》我哋叫《地獄男爵》,大陸就叫《地獄怪客》,我真係諗唔明點解要叫怪客,叫怪客成件事好土氣,Cheap晒!大家有無發覺好多上市公司都成日改名,撇開賣咗盤易手嘅上市公司,其他成日不斷改名嘅大部分都係老千股。

葉劉概念股

呢幾日睇到有隻股票都唔錯,其實都好耐無推介「八仔」喇,呢間公司就係一度被稱為「葉劉概念股」浩德控股(08149)。睇返網上公開資料,公司從事投資控股,營運附屬公司主要從事提供企業融資服務及物業投資。其附屬公司藉與稱為tokumeikumiai營運商(「TK營運商」)的多家日本有限公司(為物業持有公司)作為tokumeikumaia營運商訂立日本tokumeikumiai安排(「TK安排」),投資於位於日本的物業。公司2016年10月17日上市,除咗初期上市時之外,兩年半以來都無大炒過。現價0.33元同上市價相若,公司市值只有區區2.64億元。公司年年有錢賺加穩定派息,而大股東葉天賜雖係「葉劉」姨姪關係,但一直有傳不和,持股一直維持喺71.9%,資產方面公司擁有22棟日本物業,租出率仲要達九成幾,淨係收租都收到手軟;睇返CCASS又係乾都無朋友,而且公司一直都搞緊轉主板,計番時間都就快好事近,想買趁早。

【權益披露:本人沒持有上述股份】

Facebook專頁:財技戲法

分享