作者：驍騰原，中文大學物理學碩士，近年創辦貿易公司出口十多個國家。又一個「80後」，一半時間做生意，一半時間炒股票。股票通常只買兩種：一種超大藍籌股，用作結算收成；另一種極細財技股，用作打獵收穫。2015年成功發掘並捕捉的倍升股超過10隻，最高升幅達10倍以上。
前人種樹我乘涼──大昌微線
今期同大家介紹的股票是大昌微線集團（00567），下稱「大昌微線」。這一隻股票已經沉寂咗好耐。點解筆者會知道呢？因為拍檔潘啟才（Phemey）於上星期做節目時話自己持有這一隻，不過就等咗好耐，唔知點解兩三前天就突然爆上來，成五、六成咁樣升上來；而且成交額都大，上星期三、四每日分別有約6,000萬、1,000萬的成交額。
大昌微線之前有不同的爭拗，上星期相關的股價升上來之後，就出了個通告，通告指出主要股東場內出售全部持股。筆者估計是股東層面上有衝突，新主入來之後想趕走舊主，但是次次都趕唔到，所以股價次次都好低。現在咁睇的話衝突應該解決了，所以股價就開始有得郁動。最近這幾個月都是徘徊在0.25元至0.3元之間。周一（3月26日）筆者執筆時，股價是0.43元。雖然唔知下一步的部署係點？無論如何點都好，現在咁樣升上來都好，市值講緊都係約2.48億元。以主板的公司來講，兩億幾的市值其實很細。大昌微線主要從事製造及買賣路板，是正常的公司，不是向下炒的公司，爆發性可以好高的，所以有得諗。
乾度方面，睇番中央結算及交收系統（CCASS）雖然不是好乾，只有約六、七成乾，但是不是好乾都無咩所謂的。因為歷史這麼悠久的公司，它其實係好乾的。大昌微線於1990年1月31日上市，上市至今有28年。雖然你見到相關的成交好低，依筆者經驗看，對於歷史悠久公司，其實是比較難直接從CCASS見到是貨源歸邊的，所以你見唔到貨源歸邊都好正常的。
除咗CCASS之外，筆者都會睇吓它的財務報告，睇吓安唔安全的。2017至2018的中期報告顯示，大昌微線的流動資產是約3.21億元，而流動負債是約1.85億元，是大過它的流動負債約五成。財務狀況已經維持咗好多年都是這樣，所以基本上没有甚麼集資壓力。上兩年有間叫做科瑞控股（08109，已易名麒麟集團控股），都係股東爭拗完之後，跟住來個二供五的供股，行內叫做洗太平地。供完之後，跟住個半個月內爆上四倍的。唔知道大昌微線的股票會不會呢？供股方面，其實資金上無咩供股壓力的，但是也冷不防會用這一招。假若有都好，其實係可以照跟供的。因為這一種是洗太平地，依筆者經驗看，洗完之後個股價是靚仔的。最後講多一句，好似Phemey等咗咁耐，如果依家買，雖然會貴啲，但感覺就係「前人種樹我乘涼」咁爽。
【權益披露：本人持有大昌微線集團和麒麟集團控股股份】
