驍騰原:悶市更要做功課BHCC

Education concept. Student studying and brainstorming campus concept. Close up of students discussing their subject on books or textbooks. Selective focus.

作者:驍騰原,中文大學物理學碩士,近年創辦貿易公司出口十多個國家。又一個「80後」,一半時間做生意,一半時間炒股票。股票通常只買兩種:一種超大藍籌股,用作結算收成;另一種極細財技股,用作打獵收穫。2015年成功發掘並捕捉的倍升股超過10隻,最高升幅達10倍以上。

悶市更要做功課BHCC

最近筆者整咗個「驍騰原Hilton Yuen免費網上財技課程」,為身處世界各地又有興趣學財技的朋友而設,大家可以隨時隨地了解財技的奧秘。想不到反應相當熱烈,雖然通咗幾晚頂,不過真係值得的。有興趣了解的朋友可以留意筆者facebook的專頁。加上,最近這兩個星期個市悶悶地,的確係充實自己的Right Timing。

講番個股市,恒指一直都喺果幾百點到浮浮沉沉,跌又跌唔落去,升又升唔到上去。整體係有一些利淡消息,例如中美的貿易戰等等的問題,令市場好多人都覺得無咩方向。Hilton的炒股群組都係,好明顯見到大家討論股票的熱度又減下來,同一個月前的情況好唔同,當時的氣氛好好。現在睇嗰啲十大升跌幅都一樣,每日有十幾個百分點升跌幅的,都已然可以入到廿大升跌幅榜,同上兩星期之前好唔同,頭嗰幾個升跌幅是五十或者一百的升跌幅。

講真,雖然個市真係幾悶,但是當市悶的情況下可以做些甚麼呢?大家除了可以睇「驍騰原 Hilton Yuen 免費網上財技課程」之外,筆者也建議大家睇下書。睇下一些關於金融歷史或人物傳記等的書,或者研究下虛幣都可以,虛幣到依家都係非常之有投資價值的。當個市唔好嗰陣去學野同入場係最好的,因為唔可以等個市好先睇,否則係趕吾切的,會慢左好多。所以莫論股市或者幣市都好,當現時浮浮沉沉的時候,都應該係落功夫的好時機。

最後點都要Update下股票的,今期就更進番隻BHCC HOLDING(01552)。BHCC之前的毛利是幾好的,可是現在都跌番去,回了七七八八。話雖如此,這隻市值係細的,筆者執筆時(4月9日),只有3.12億元。股價由近期的高位0.55元下跌至0.39元,基本上無甚麼大成交,今日的成交額只有約三百萬元。再睇番表現不多的股票走勢圖,即係之前無端端升左上來之後又回得七七八八那些。那些圖表同樣是核突的,而且都係無甚麼成交。乾度方面,依筆者經驗看,大概八成五乾。再參考埋CCASS,唔見得有好大的轉變。總括而言,筆者不覺得有甚麼好害怕。

【權益披露:本人持有BHCC HOLDING股份】

BHCC HOLDING(01552)
留言
分享