驍騰原:一日升七成 煜榮集團

分享

作者:驍騰原,中文大學物理學碩士,近年創辦貿易公司出口十多個國家。又一個「80後」,一半時間做生意,一半時間炒股票。股票通常只買兩種:一種超大藍籌股,用作結算收成;另一種極細財技股,用作打獵收穫。2015年成功發掘並捕捉的倍升股超過10隻,最高升幅達10倍以上。

一日升七成 煜榮集團

今日同大家update一下股票,有一隻股票之前買咗的,係實戰班筆者提及的其中一隻股票——煜榮集團(01536)。今次講下點解買啦,因為之前都無講。雖然見到其他同行的直播都有推介這個,其實係有啲麻煩的,因為這麼多人講的話,知名度會提高,多散戶買就未必話太好。話雖如此,筆者都會講下的。因為這隻股票的質地係幾好。

煜榮集團主要從事製造及買賣鑿岩、打樁和鑽孔設備及器械。在2017年1月11日上市,上市價為1.15元。剛完成全購要約,全購價係1.79元,而新主係之前曾經參與過金寶寶控股(01239)(現在已改名為TEAMWAY INTL GP)等等幾間的上市公司。而這些新主參與過的公司,過往的股價歷史都係勁的,都有一些炒作。依筆者經驗看,感覺上新主收購這一隻嘢番來係有睇頭的。而且當時的市值不大,得幾億,所以筆者有留意住。而喺全購期間,有一日突然爆上好多。筆者有個感覺,唔知它會不會行善樂國際(01660)那一條路呢,即係全購尚未完成,股價在全購期間就已經會升好多倍個嗰種。股價到最尾,之後嗰一日就壓番晒落黎,去番這個全購價,一路都無升。一般來說,如果這樣的表現,本身係會有些擔心的。因為第一日升上黎又唔係行善樂國際嗰條路。煜榮集團的股價不是一路升,壓番落黎。不知道是否有人突然間炒高股價出貨,所以都會驚。

話雖如此,感覺上一日要做出貨又太過短了,所以筆者就一半一半,都係繼續等,皆因未確實要出貨。到最尾,他又轉埋主席,正式易手。而全購的結果是怎樣呢,即係一共有幾多人認購到呢?睇番通告,係得果1.25%的人接納,最尾要約人及一致行動人士將持有2.36億股,佔已發行股本62.16%。

筆者周一(4月23日)執筆時,該日股價突然之間爆升愈七成。收市價為3.24元,差不多係今日全日最高位收市。成交金額約3.07億元,成交量及金額都係大的。依筆者經驗看,如果有貨就一定不會走,因為勢頭好好。如果無貨一定不會追加,因為第一日異動,股價已有七成的升幅,成交額約3億元,風險好大。之後要睇下它會行哪一條路?如果行善樂國際就可以好誇張。不過煜榮集團的新主收的貨,表面不是好高,但是暗地裏就不知道。因為他有機會透過將今日股價炒高七成後,有些人沽貨而方便收乾股票。依筆者經驗看,最可能就係會黎多次配股,例如20/20配股。這樣的話會比較好,因為可以進一步收乾啲貨。以周一的勢頭來看,筆者係有貨的,而且會睇多一兩日。

【權益披露:本人持有煜榮集團股份】

煜榮集團(01536)
分享