Sammy:利福中國要當埋底褲去買

One hundred dollars background.
分享

作者:Sammy畢業於英國赫德斯菲爾德大學工商管理學系。曾為職業魔術師及婚禮司儀,現以財技角度切入分析股票,破解莊家的障眼法。

利福中國要當埋底褲去買

上周推介完(300027.SZ)華誼兄弟都微升3.35%至6.16元收市,是否見底有待觀察,但當時買來短炒就相當值博。近呢周不斷有讀者、朋友問筆者利福中國(02136)應否持有、加注、會唔會再跌?其實答案已經在近日公告有明確提示,公司在過去一個月不斷回購股份,之後股價由3.8元跟隨大市下跌至2.91元,同時有累計109,388,500股已回購股份沒有註銷,利福中國自6月14日後就停止回購公司股份,當時筆者私下對讀者、朋友講當佢註銷股份就係止跌回升之時。

原因好簡單,公司累計用404,277,724元港幣回購股份,約339,748,303元人民幣,最近一期業績公布資產淨值為10,421,248,000元人民幣,假設資產淨值不變將10,421,248,000元減去回購用的現金339,748,303元就會得出回購後資產淨值為10,081,499,697元人民幣,剛剛在6月25日註銷了109,388,500股,餘下已發行股份數目已變成1,484,096,000股;將回購後資產淨值10,081,499,697元人民幣除以最新已發行股數目1,484,096,000股,就會得出最新每股資產淨值為6.793元人民幣,約7.95元港幣!呢個係抵買原因之一,第二個原因係6月12日披露權益更新了FMR LLC富達基金已由94,537,000股5.9%減持至79,221,000股4.97%,如今FMR LLC已持股低過5%,再減持多少都不用披露,與此同時公司已停止回購差不多接新一周,在公司公布註銷股份後再度出現新鴻基證券買盤,令不少朋友覺得是否公司再繼續進行回購動作呢?最後公司並無出回購股份公告而同時披露權益顯示細劉最近在6月27日、28日、29日三個交易日增持了44,542,500股,持股量由之前的63.3%大幅提升至71.35%,筆者應為比較接近真相的答案是FMR LLC同細劉傾掂數,大手接了批貨,因為最近幾日能夠有呢個貨量沽俾佢就只有FMR LLC。

第一,細劉喺得呢個價位增持仲要為數不少嘅貨量,我哋地可以理解為佢覺得呢個價位係超值;第二,註銷後股數少咗同時每股資產值變大咗係事實,相比之前值博率高咗。依家萬事俱備,只欠細劉再次揮動佢嘅神仙棒將利福中國股價打高反映公司應有實質價值,咁真係要當埋自己同埋老婆條底褲去買喇。

個大市咁差,其實相對好多股份都跌到好低殘,假設大家之前喺高位無沽過貨導致無現金去買平貨的話,筆者建議應該減持手上唔太有信心嘅股份,套了點現金出來就立即加注去比較有信心嘅部分,靈活啲贏面都高啲嘛!

【權益披露:本人持有利福中國股份】

利福中國(02136)
分享