Josephine Lau:五個簡單美容小貼士

分享

作者:Josephine Lau – 天下沒有醜女人,只有懶女人,遺忘的美麗,由內到外,重新啟動。

五個簡單美容小貼士

(一)靚靚們記得要定時定候清潔化妝用具,可以令妝容更貼服,對皮膚亦比較好喔!如果唔想買專門嘅洗掃水,可以用洗頭水同護髮素洗掃喔!

(二)用澳洲嚟嘅LUCAS’PAPAW OINTMENT木瓜萬能膏,可以快速修護皮膚乾燥,用喺修護傷口同埋小型燙傷嘅傷口都好有效㗎!仲可以厚敷係唇上當唇膜,係咁乾燥嘅天氣對濕疹皮膚亦有幫助呢!

(三)喺呢個天氣沖涼、洗頭係十分需要勇氣,如果唔想俾人睇得出尋晚冇洗頭,用適量嘅爽身粉去處理令立立嘅頭油,咁間唔中太凍唔洗頭都冇人知啦!

(四)仍然想係咁凍嘅天氣Keep住身材,最好每日飲到二至四杯熱檸水,去減毒減水腫加速新陳代謝,加番少許運動,就冇咁易因爲冬天唔想郁又食多咗嘢之下,肥咗一個圈啦!

(五)冬天咁乾燥頭髮容易毛燥,除咗洗頭時用護髮素外,平日亦可以用椰子油或護髮油搽喺髮尾,亦可以用Body Lotion或手霜去代替喔!

分享