Josephine Lau：不良美容習慣

分享
作者：Josephine Lau
不良美容習慣
有好嘅習慣當然會令我哋更加靚靚，但係有好嘅習慣係唔足夠架，所以今次想同大家講下有啲乜嘢唔好嘅習慣，會妨礙着我哋邁向美麗嘅外貌，甚至令我哋做嘅嘢會功虧一簣!
第一，經常未清潔雙手就摸塊面。我哋雙手經常佈滿好多唔同嘅細菌，如果喺未清洗雙手情況下，就去摸塊面或者去做護膚程序或化妝，咁啲細菌就好容易導致皮膚出現過敏或者生暗倉嘅情況㗎啦！
第二，化妝用具不會定期清洗。其實同第一點好似，工欲善其事，必先利其器，化妝用具唔乾淨，唔單止妝容冇咁靚，而且仲可能會引起暗瘡粉刺敏感等等問題，同埋都應該定時去檢查化妝品有冇過期。
第三，床上用品應該定時清潔。好多人都會忽略咗呢一點，但係其實床上用品用得耐，就自然會隱藏左好多蟎蟲，蟎蟲好容易導致我哋皮膚產生敏感同埋生暗瘡粉刺，同時亦都會引起鼻敏感，黑眼圈都大啲啦！
分享

相關文章多從作者