藝人陳志忠生日，召集義工一起做慈善
2020年3月2日，功夫藝人陳志忠（Wilson）在為於西環創辦的演藝學校日前，召集學校師生及藝人好友一同擔任義工派發口罩、消毒搓手液及漂白水，贈給該區長者及低收入家庭，反應熱烈。
適逢是 Wilson 生日，他表示做善事最有意義：現在周圍都搶口罩搶廁紙等物資，有時真係有錢都未必買得到，所以統籌呢個活動都寧願叫人捐物資，一齊做善事幫助社會上有需要嘅人，行善積福。
被問到如何在逆境期間經營學校，Wilson 表示無奈：都冇辦法，因為由開幕開始至今經歷社會運動及疫症，現在小朋友全部停課中，好多家長都唔俾小朋友出街及上課，對於我們做興趣教育中心都幾大挑戰。（損失了幾多生意？）都六七成呀！現在都轉咗做網上教學，不過始終隔住個視像，小朋友都要得到家長的監督下才能自律地跟着我練習。
我唔知道政府之前公布嘅紓困措施上用乜嘢標準來衡量中小企的支援問題，不過竟然沒有任何支援在教育方面令我都比較驚訝。個人認為教育都比較重要，所以都希望政府能夠幫下我哋經營興趣教育呢方面嘅公司。
Wilson 更表示幸好遇上良心業主一直以來的幫忙及減租，所以作為新租客的佢亦都感到幸運。
