KK x Suki x Toby :米芝蓮推薦的Burger

經典漢堡,食過番尋味!
分享

作者:KK x Suki x Toby 三位財策美女除咗好動無時停之外,仲好鍾意食嘢,為咗美食,實行食咗先減,誓要約埋三五知己周圍搵美食。

米芝蓮推薦的Burger

有日開完會,行過尖沙咀無意中見到K11有一間「The Butchers Club Burger」,裝修西化,位置係正小型露天廣場,有一邊嘅位係向露天廣場靠窗嘅枱。從酒吧向外面一望K11嘅藝術佈置,環境有在外國嘅感覺。心情立即變好!

哩間嘢有咩特別?餐廳喺米芝蓮指南推薦的街頭美食,更自設熟成工場,牛肉至少經過兩周或以上的乾式熟成(Dry Aging),使肉味更濃郁和肉質更鬆化。

做burger點可以無麵包呢?選擇包嘅時候,都需要考慮到包嘅軟硬度,太硬會變成多士,太軟會變咗同無⼀樣。 此外更要考慮到,牛肉汁有機會流到麵包,麵包會吸收晒牛肉嘅汁。一嚟麵包會有牛肉味,二嚟又唔會食到自己成隻手都係牛肉汁。

經典漢堡

香脆煙肉再加啖啖嘅肉汁,配上芝士,個包好大,個口細啲都食唔晒。個扒幾嫩口同幾juicy,肉味口感好,加埋熱熱扒溶咗上面嘅cheese,食過番尋味!

上一次去嘅時候仲發現做緊優惠。買漢堡包送啤酒真係好抵。聽講呢間餐廳仲有隱蔽餐單,好可惜我係打呢篇文章嘅時候先發現,冇機會食到。

最近更推素食漢堡包,大家都可以去吃一次健康的burger dinner。同Beyond Burger合作推出外型和味道好像肉嘅感覺,但事實上是係由豌豆,菜頭,椰子油組成。每塊素漢堡包都含蛋白質及鐵質,個包對你身體好,不用多講了吧。

你睇晒我全篇嘢,比個kiss你吧。

要知多啲美食嘅follow埋我Instagram啦!同時歡迎同各餐廳合作。有興趣聯絡我Instagram:Toby_hendrickss【IG logo】

分享