P2 財技掩眼法
作者：Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的掩眼法。
Facebook專頁：財技戲法
=======================
題目：飛揚集團發展潛力大
上次提到筆者見飛揚集團（01901）負責證券部的管理層，雖然呢間上市公司唔係好大，但明顯睇得出佢哋好有心做。呢間上市公司有成立到上市用了18年時間，係位於中國浙江省寧波市嘅知名旅遊服務供應商，佢在2015年更獲得年度全中國百強旅行社中排名第50，現在自由行為公司重點發展項目。
唔講唔知原來中國曾經出過國旅遊的人數只有一千四百多萬人，以全國人口計算只有1%左右，所以未開發嘅市場係非常之大，公司未來有超級大嘅發展空間。由於成個旅遊業市場太大，基本上都做唔晒，所以最大的公司市場佔有率都唔係大好多。雖然依家去唔到台灣，但公司都會搞日、韓、其他國家的旅行團同埋自由行，睇番數據仲每年有唔少增長，公司未來會喺華東地區沿海城市例如杭州、上海設立新嘅零售分公司、銷售點，又有在線銷售平台（香港比較多人認識的有Ctrip、國內的有飛豬、駱駝嘜的好哪兒等），就好似平時我地香港用開嘅App咁可以比較不用機票、酒店住宿價錢。以現價0.95元計比上市招股價1.05元稍為有少少折讓，現在市值只有4.75億元，睇佢每日成交金額加上股權分布亦相當集中，淨資產有1.78億。而將來可能會有籌資需要，大家諗下依家都咁乾身，將來集資印股票都係極有可能會炒番一轉。
最近個市好番啲，好多股票都開始蠢蠢欲動，大家不妨留意下一啲本身質地唔錯又跌過龍嘅股票，一有大成交凸咗支小陽蠟燭出來，只再同時滿足到以上條件筆者多數都會衝入去玩番轉。今期除咗飛揚集團之外都會留意實隻利福中國（02136），始終業績後公司淨資產又比去年多咗，如果博私有化嘅朋友，只會越來越抵買。
筆者沒持有以上股份。
