P2 財技掩眼法
作者：Sammy，畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的掩眼法。
Facebook專頁：財技戲法
=======================
題目：應否年輕炒股
最近有位年輕朋友講開應唔應趁後生炒股、儲錢，其實筆者覺得後生時應該及時行樂，因為童年、少年回憶係幾多錢買唔返的。人都老咗唔通仲出去蒲去溝妹妹仔咩？後生仔食煙飲酒講粗口乜都得，年紀大咗身體機能下降，變相無咁多「Quota」去吸收膽固醇，因為永遠都係最唔健康嘅就最好食。筆者係極度反對將所有收入儲起去買樓的，甚至乎聽聞過日本有個女仔每月收入去儲起，N年無去過旅行、娛樂，每日三餐只食幾十日圓，當然最後佢係達到目的，成功擁有自己物業，但筆者認為係違反人性的。另一個角度去睇，後生仔係應該去炒股票，趁後生撞多啲板碰多啲釘咁先可以累積一定經驗值，如果一個人一直都未俾人騙過，臨老年時一舗清袋就會好慘，始終後生仔輸晒可以好快重新來過。
趁低吸納日清
記得之前筆者都有6.19元左右推介日清食品（01475），最高創過7.49元新高，現在回落至上周五（11月29日）收市價6.35元，筆者認為可以趁低吸納，公司在上月初剛出了一份「靚仔」第三季業績，營業額23.48億元，按年升3.2%。純利2.11億元，比去年1.66億元按年升27.1%；睇番公司現金有16億元亦相當充裕，另外公司與Kagome Co., Ltd.的合營業務而言，其業務擴展順利，並已融入至現有的業務組合。年內，「Kagome」品牌旗下的新口味蔬果汁Setouchi Mandarin Mixed Juice、Apple Mixed Juice及Ehime Kiwi Mixed Juice已經在超市、便利店及一些特選商戶推出。公司已經開始於中國分銷「Kagome」蔬菜及果汁，以擴大即食麵產品以外的收入來源。
Facebook專頁：財技戲法
