P5 財技戲法【股價圖：巨星醫療控股（02393）】
作者：Sammy畢業於英國赫德斯菲爾德大學工商管理學系。曾為職業魔術師及婚禮司儀，現以財技角度切入分析股票，破解莊家的障眼法。
題目：肺炎概念繼續熱炒
面對肺炎疫情，有人捐錢亦有人捐口罩，不過不少公司相繼出公告研發某藥品、疫苗，去對抗呢個新型冠狀病毒，總之就出一堆能夠同武漢肺炎扯上關係嘅項目去發國難財，就好似巨星醫療控股（02393）咁，本身呢間公司係全中國最大體外診斷產品經銷商及服務供應商之一。
巨星醫療控股網絡覆蓋北京、上海、廣州、深圳等市以及安徽、福建、廣東、海南、湖南、江蘇及河北各省，集團亦於中國為富士膠片製造醫用膠片（用於X射線、磁共振成像（MRI）及計算機斷層掃描成像（CT掃描）等），並以自有品牌「Yes!Star」製造、營銷及銷售齒科膠片及醫用乾式膠片產品。公司每半年都係賺一至兩個億元，市值維持30至40億元都算得上係中型市值股，睇番佢資產淨值都唔算太多，只有接近12億元人民幣，股權看似不太集中，只係常常做回購。集團由2019年到2020年2月都做了不下幾十次回購，早前公司出公告公布公司自行研發的環境消毒產品「84消毒液」，已得到廣西壯族自治區衛生健康委員會批復，正式投入生產，首批約5噸（稀釋倍數150倍）於2020年2月11日開始運往醫院。
巨星醫療控股不忘在公告為新產品吹噓一番，提到「84消毒液」為自己公司自行研發的產品，適用於一般物體表面和環境的清潔與消毒，如：醫院、商場、學校、公園、小區、居家環境等終端應用。此項產品將透過公司直銷和經銷商體系推廣至醫院、商超、線上線下平台等。另外佢嘅體外診斷產品和醫療膠片產品在此次疫情的檢測工作中發揮了關鍵作用，兼且計劃研發多種類消毒產品，以服務包括檢驗科室在內的醫療相關機構和廣大消費者。務求做到將件事放到有咁大得咁大，唔洗諗之後又係會炒一鑊勁。
香港電視（01137）都先拔頭籌，又話買口罩機又價低者得，講到尾都係營商手法，擺出個為香港大眾服務嘅殷實商人樣，就自然好多人買口罩順便都會幫襯買下其他嘢，請幾個打手做做文宣美化一番，股價炒高幾多倍都無人會話佢啦。
總而言之，股票世界就係咁，而家只係炒一樣嘢：肺炎概念。一日天氣未轉炎熱疫情都仲未會搞得掂，睇怕呢個概念會延續一段長時間。
【權益披露：本人沒持有以上股份】
Facebook 專頁：財技戲法
