招財密碼
潘啟才（Phemey），測量師出身，試過輕輕鬆鬆年薪過百萬，亦試過胼手胝足地創業。後來發覺幫人做成生意最過癮，成功拉攏買賣雙方便穩袋幾百萬，至此「通天經紀」之名便不脛而走。眼光準、膽量大兼且身體力行，搞炒股投資班大賺一筆之餘，亦計劃大搞創業班，矢言教授云云打工仔、待業青年、大學生無本生利，財來八方的本事。
【標題】疑似俾殻上市的瑞麗醫美
今天要介紹呢隻新股瑞麗醫美，號碼2135。12月18日星期五截止認購，12月28日正式上市。招股價0.3至0.4元，每手10,000股，入場費4,040.31元。以上限價0.4元計算，市值約8.2億元，算係市值偏細的新股。
瑞麗醫美係一間來自浙江省的醫學美容服務提供商。提供廣泛的醫療美容服務，以滿足客戶不同的美容及抗衰老目標。按2019年醫療美容服務收益計，本集團在杭州市及浙江省所佔市場份額約為4.1%及1.9%，於所有私營醫療美容服務提供商當中分別名列第四及第五位，記住唔係中國，係全杭州市。睇上去平平無奇。
呢間公司係疫情影響下生意大受打撃，前景就唔太落觀。2017年、2018年、2019年及2020年上半年，瑞麗醫美營業收入為1.13億元、1.59億元、1.91億元、5,873萬元，對應淨利潤分別為1,740.5萬元、1,841.8萬元、1,027.7萬元、-1,177.7萬元。明顯盈利係不斷下滑。
同時，呢間公司既毛利率都不斷下滑，從2017年的66%降至2019年的52.9%再到2020年上半年的41.4%。加上成日比人投訴，截至2019年12 月31日止三個年度及截至2020年6月30日止六個月的退款總額分別約為人民幣40萬元、40萬元、70萬元及20萬元，和解金總額分別約6.1萬元、8.9萬元、10萬元及17.6萬元。睇得出無論是退款總額還是和解金額都在逐年遞增。前景真係令人擔憂。
值得留意既係，呢間公司同上次介紹隻温嶺工量刃具一樣，比包銷商的佣金成16%，上市費用要洗6,390萬，集資就集得最多1.37億，實際到手既錢又係得一半。似乎都唔係正經想做生意。
睇埋個保薦人資料。呢間公司的保薦人係創陞融資，最近保薦既股大部分都係前幾日暴升，炒完後就一厥不振。好重妖味，大家不妨小注小賭怡情，時機一到就要及早離場。
